Аргентиналик 87 ёшли собиқ футболчи Умберто Маскио «Барселона» етакчиси Лионель Мессини бошқа афсонавий футболчилар билан солиштирди.
«Мен ди Стефано, Пеле, Марадона, Кройфларнинг барчасини кўрганман, бироқ Месси энг яхшиси. Мен ҳатто уларнинг бир нечтасига қарши ўйнаганман ҳам. Бироқ ишонтириб айтаман: Месси тенгсиз. Вақтида улар буюк футболчи бўлган, бироқ замонавий футбол тезлиги умуман бошқача. Шунчаки Месси ураётган голларга бир яхшилаб эътибор беринг, буни сиз ҳам тушуниб оласиз. Лео майдонда кўп ҳам югурмайди, аммо агар тўп унга керак бўлса қолганини кўраверасиз. Тўп худди унинг оёғига ёпишиб қолгандек кўринаверади. Мен юқори тезликка эга жуда кўп футболчиларни кўрганман, бироқ агар уларга тўп берилса, секинлашиб қолишиши ҳам бор гап эди. Лео билан эса бунинг тескариси», — дейди Маскио.
Лионель Мессининг жарима майдони ташқарисидан урган топ-10 голини томоша қилинг (видео)
2019 йилги мавсум Месси «Барселона» сафида Ла Лигада 33 ўйин ўтказиб, 25 гол ва 23 та голли узатмага муаллифлик қилди. У Примерада 2019/20 йилги мавсумнинг энг яхши тўпурари ва ассистентига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)