«Манчестер Сити» бош мураббийи Хосеп Гвардиола Чемпионлар Лигаси 1/8 финал жавоб ўйини олдидан «Реал» устози Зинедин Зидан ҳақида фикр билдирди.
«У жудаям ажойиб футболчи бўлган, шунчаки «вау»! У билан ўйнашни хоҳлагандим. Унинг Франциясига қарши ўйнаш эса менга омад келтирмаган.
Унинг жамоаси яхши ва ёмон пайтларда ҳам ажойиб ўйнайди, мен бундан хурсандман. Одамлар менга ишонмаслиги мумкин, чунки у «Реал»ни бошқармоқда, бироқ мен унинг яхши ишлаётганидан хурсандман. Унга ўхшаганларнинг яхши ишлаши — футбол учун жуда фойдали.
У кетма-кет уч марта Чемпионлар Лигасини ютди ва икки бор «Барселона»дан Ла Лигани тортиб олди. Бу эса унинг қобилиятидан дарак беради», — дейди Гвардиола.
Эслатиб ўтамиз, «Манчестер Сити» — «Реал» учрашуви 7 август санасига белгиланган. Учрашув Англиядаги карантин чекловларига қарамай ўз вақтида бўлиб ўтади. Томонларнинг Мадридда кечган биринчи тўқнашуви 2:1 ҳисобида «шаҳарликлар» фойдасига ҳал бўлган.
Зинедин Зиданнинг «Реал» сафидаги шедевр голларни ёдга оламиз (видео)
Мавзуга доир:
Изоҳ (0)