Жазоир терма жамоаси бош мураббийи Жамел Белмади ҳамкасби «Реал» бош мураббийи Зинедин Зидан ҳақида фикр билдирди.
«Мен Гвардиола, Клопп ва Зиданга қойил қоламан. Келинг, Зиданнинг ажойиб мураббий эканлигини унутмайлик.
Агар Моуриньо ёки Гвардиола кетма-кет уч марта Чемпионлар Лигасини ютганида, биз уларни даҳо деб атаган бўлардик. Зидан мураббийлик ишини кескин даражада ўзгартириб юбормаган бўлса-да, уни бемалол даҳо дейиш мумкин.
Бошқа томондан биз фаолияти давомида ҳеч нарса ютмаган баъзи мураббийларнинг фалсафаси ҳақида тез-тез гаплашамиз. Хўш, биз ўзи мураббийларнинг ғалабасига баҳо берамизми ёки фалсафасига. Мухлислар мураббийдан ғалабаларни кутади», — дейди Белмади.
Маълумот учун, «Реал» Зидан бошқарувида икки мартадан Ла Лига, УЕФА Суперкубоги, клублар ўртасидаги Жаҳон чемпионатини ва Испания Суперкубогида ғалаба қозонган. Шунингдек, жамоа унинг қўл остида кетма-кет 3 бор Чемпионлар Лигасида бош совринга эга чиққан.
Зинедин Зиданнинг «Реал» сафидаги шедевр голларни ёдга оламиз (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)