Jazoir terma jamoasi bosh murabbiyi Jamel Belmadi hamkasbi “Real” bosh murabbiyi Zinedin Zidan haqida fikr bildirdi.
“Men Gvardiola, Klopp va Zidanga qoyil qolaman. Keling, Zidanning ajoyib murabbiy ekanligini unutmaylik.
Agar Mourinyo yoki Gvardiola ketma-ket uch marta Chempionlar Ligasini yutganida, biz ularni daho deb atagan bo‘lardik. Zidan murabbiylik ishini keskin darajada o‘zgartirib yubormagan bo‘lsa-da, uni bemalol daho deyish mumkin.
Boshqa tomondan biz faoliyati davomida hech narsa yutmagan ba’zi murabbiylarning falsafasi haqida tez-tez gaplashamiz. Xo‘sh, biz o‘zi murabbiylarning g‘alabasiga baho beramizmi yoki falsafasiga. Muxlislar murabbiydan g‘alabalarni kutadi”, — deydi Belmadi.
Ma’lumot uchun, “Real” Zidan boshqaruvida ikki martadan La Liga, UEFA Superkubogi, klublar o‘rtasidagi Jahon chempionatini va Ispaniya Superkubogida g‘alaba qozongan. Shuningdek, jamoa uning qo‘l ostida ketma-ket 3 bor Chempionlar Ligasida bosh sovringa ega chiqqan.
Zinedin Zidanning “Real” safidagi shedevr gollarni yodga olamiz (video)
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)