«Борнмут» ҳимоячиси Натан Аке «Манчестер Сити»га ўтиши кутилмоқда.
The Guardian журналисти Фабрицио Романога кўра, «шаҳарликлар» Натан Аке трансфери учун 43 миллион евро (тахминан, 39 миллион фунт) беришга тайёрлигини билдирган.
Таъкидланишича, битимни якунига етказиш учун тегишли ҳужжатларни расмийлаштириш қолган, холос.
«Манчестер Сити» бош мураббийи Пеп Гвардиола «Наполи» ҳимоячиси Калиду Кулибалини сотиб олишда муаммолар пайдо бўлгач, 25 ёшли Аке трансферига тўхталишга қарор қилгани айтилмоқда.
Маълумот учун, Аке «Челси» тарбияланувчиси ҳисобланади. Жорий мавсумда у «Борнмут» сафида Премьер Лиганинг 29 ўйинида майдонга тушиб, 2 та гол урди ва 2 та голга ассистентлик қилди.
«Борнмут» эса мавсум якунларига кўра, Премьер Лигани тарк этди.
Мавзуга доир:
Изоҳ (0)