Хитойда шифокорлар Шэньси провинциясида истиқомат қилувчи фуқаронинг уч кун урмаган юрагини қайта ишга тушириб юборди. Тиббиёт ходимлари қонни кислород билан бойитиш борасидаги усулдан фойдалангани сабаб қиз омон қолган, деб ёзади Global Times.
23 ёшли бемор шифохонага ўтиб кетган шамоллаш сабаб юзага келган фульминант миокард (ўткир юрак етишмовчилиги шаклида тез ривожланадиган яллиғланишли миокард шикастланишининг оғир шакли) билан шифохонага ётқизилган.
Миокардит кардиоген шокка олиб келган ва қизнинг юраги уришдан тўхтаган.
Тиббиёт ходимлари зудлик билан қонни кислород билан бойитишнинг муқобил усулидан — экстракорпораль мембрана оксигенациядан (ЭКМО) фойдаланган. Бу беморнинг нафас олишини таъминлаб, юрак фаолиятини қўллаб-қувватлаган.
Замонавий ЭКМО даволаш усули ёрдамида бемор ҳушида қолган ва атрофдагилар билан юраги урмаса ҳам гаплаша олган.
«Бемор кутилганидан ҳам оптимист бўлиб чиқди ва дўстларига ўзининг ғаройиб тажрибаси ҳақида Wechat орқали хабарлар юбора бошлади», — дейди клиника шифокорларидан бири.
Изоҳ (0)