Токио университети олимлари Ерда янги музлик даври бошланишини маълум қилди. Бу тахминан 100 минг йилдан сўнг содир бўлади, деб хабар қилади «РИА Новости».
Экспертлар муссон шамолларнинг иқлимга таъсири ва динозаврларнинг 10 миллион йил олдинги ривожланишини тадқиқ этган. Шу орқали экспертлар серб инженери Милутин Миланковичнинг Ер ўқининг орбита текислигига нисбатан оғиши натижасида унга узоқ вақт давомида қуёш нури ва радиация миқдорида тебранишларнинг таъсири борасидаги назариясидан фойдаланган.
Ушбу назарияга кўра, экспертларнинг таъкидлашича, янги музлик даври 100 минг йилдан сўнг бошланади, бироқ бу карбонат ангидрид чиқиндилари эмиссиясидаги инсон омилига боғлиқ.
«Ҳозирда биз салқин интенсив-муссон иқлими ва атмосферадаги карбонат ангидрид газининг паст концентрацияси 10 миллион йилдан бери давом этаётган циклнинг энг юқори чўққисидамиз», — дейди эксперт.
Шунингдек, тадқиқотда келтирилишича, тахминан 212 миллион йил олдин карбонат ангидрид концентрациясининг пасайиши ва кучли муссон шамоллари Ердаги иқлимнинг совиши, озиқ-овқат ва сув манбаларининг кўпайишига сабаб бўлган, бу эса динозаврларнинг ортиши ва уларнинг тарқалишига олиб келган.
«Миланкович механизми Ер тарихига таъсир кўрсатишни давом этар экан, биз ушбу механизм ва иқлим эволюцияси ҳамда экотизим ўртасидаги боғлиқликни топишга уринмоқдамиз», — дейди олимлар.
Олимларнинг сўзларига кўра, эндиликда уларнинг илмий иши 10 миллион йил олдинги цикл нафақат динозаврлар, балки сутемизувчилар ва ўсимликларга қандай таъсир кўрсатганини аниқлашга қаратилади.
Изоҳ (0)