Карантин чекловлари вақтида Гулистон шаҳрига кирувчи транспорт воситалари оқими кўпайиб кетиши натижасида шаҳарга олиб кирувчи ва чиқувчи кўприкка чиқиш қисмида транспорт воситаларини тирбандлиги кузатилмоқда. Бу ҳақда Сирдарё вилояти ИИБ ЙҲХБ хабар берди.
Маълум қилинишича, тирбандлик юзага келгани сабабли Сирдарё вилояти махсус комиссиясининг қарорига асосан 2020 йил 29 июль куни соат 17:00 дан бошлаб Тошкент—Гулистон М-34 йўлининг Гулистон шаҳрига кириш, яъни йўл ўтказгич транспорт воситалари учун тўлиқ ёпилди.
Гулистон шаҳрига транспорт воситаси орқали кириб келиш фақатгина Мирзаобод тумани Фарғона йўли кўчаси (мол бозор) 4Р-18А ва 4Р-28А автомобиль йўллари орқали амалга оширилади.
Эслатиб ўтамиз, 13 июль куни Гулистон шаҳрига Тошкент шаҳридан кириб келиш қисмида ташкил қилинган блокпостда ички ишлар ходимлари ва шаҳарга кирмоқчи бўлган судья ўртасида можаро юз берганди.
Изоҳ (0)