Asus компанияси геймерлар учун дунёдаги энг кучли ROG Phone 3 смартфонини тақдим этди. Бу ҳақда бренднинг расмий сайтида хабар берилган.
Смартфон 2340х1080 пикселли Amoled экран ҳамда Snapdragon 865+ процессори билан жиҳозланган.
Қурилманинг флагман версиясига 16 гигабайт тезкор ва 512 гигабайт ички хотира ўрнатилган. Бу каби кўрсаткичлар гаджетни ҳозирда бозорлар мавжуд энг кучли смартфонга айлантиради.
ROG Phone 3’га 64, 13 ва 5 мегапикселли учта камерага эга бўлиб, улар ёрдамида 8К-форматдаги видеоларни тасвирга олиш мумкин.
Харидор смартфонни ўзига мослаштириб олиши ва уни махсус ўйин аксессуарлари билан фойдаланиши мумкин. Гаджетга AeroActive Cooler 3 ихчам кулери ва контроллер уланади.
Аккумулятор сиғими 6000 мА/соатни ташкил этгани сабаб, унинг ёрдамида ўйинларни узоқ вақт ўйнаш мумкин.
ROG Phone 3’нинг энг оддий модели 800 евродан, топ модификацияси эса — 1100 евродан сотувга чиққан.
Эслатиб ўтамиз, 2019 йилда Хитойнинг Xiaomi компанияси Black Shark 2 Pro ўйин учун мўлжалланган смартфонини тақдим этганди. Мазкур қурилма ўша вақтда дунёдаги энг кучли смартфон дея эътироф этилган.
Изоҳ (0)