Kickstarter краудфандинг майдончасида 3 дюймли экранга эга замонавий ва қулай Jelly 2 смартфони пайдо бўлди. У экрани 6 дюймдан бошланадиган катта смартфонларга муқобил сифатида таклиф этилмоқда.
Jelly 2 бармоқ изи сканерига эга кичкина пластик корпусга эга. Смартфон ўлчами бўйича банк картасидек келади. Қурилманинг асосий камераси — 16 мегапикселл, шунингдек, 8 мегапикселли фронтал камера ҳам мавжуд.
Бундан ташқари, смартфон корпусидан қўшимча тугма ҳам ўрин олган бўлиб, уни исталган вазифани бажаришга мослаштириш мумкин — камера ёки бирор иловани ишга тушириш, скриншот ва ҳоказо.
Қурилма MediaTek Helio P60 процессорида ишлайди ва унга 6 гигабайт тезкор ҳамда 128 гигабайт ички хотира ўрнатилган. Аккумулятор сиғими 2000 мА/соатга тенг бўлиб, бир марта қувватланиш орқали икки сутка ишлай олади. Ҳатто NFC модули билан жиҳозланган смартфон ёрдамида контактсиз тўловларни ҳам амалга ошириш мумкин.
Kickstarter орқали Jelly 2 моделининг дастлабки юз нусхаси 129 доллардан буюртма қилинган. Шу сабабли ҳозирда унинг фақат 159 долларлик версиясига буюртмалар қабул қилинмоқда.
Изоҳ (0)