Xiaomi компаниясининг янги Mi Mix 2020 флагман смартфони суратлари интернетда пайдо бўлди, деб хабар беради GizChina.
Маълумотларга кўра, Mi Mix 2020 суратлари Хитойдаги йирик савдо майдончаларида пайдо бўлган, бироқ кўп ўтмай ўчириб ташланган. Айрим фойдаланувчилар суратларни сақлаб олиб, тарқатиб юборишга улгурган.
Суратлардан кўриш мумкинки, смартфон «қошсиз» дисплейга эга бўлган ва бурчаклари ёйсимон кўриниш касб этган. Ўнг ён томонидан эса иккиталик фронтал камера ва овоз созлагич тугмаларини пайқаш мумкин.
Смартфон орқа панелидан марказлаштирилган тўртбурчак блок ўрин олган бўлиб, унда камера модули жойлашган. Тахминларга кўра, у тўртта объективга, перископ модуль ва узоқликни ўлчовчи лазерга эга бўлади.
Мутахассисларнинг таъкидлашича, бу турдаги дизайнга эга қурилма бугунги кунда бозорда мавжуд эмас. Тахминларга кўра, iPhone 12 Pro шу турдаги камералар жамланмасига эга бўлади.
Аввалроқ Xiaomi 57 доллар эвазига Qin AI Life номли болалар телефонини ҳамда ҳамёнбоп Poco М2 Pro моделини тақдим этгани тўғрисида хабар берилганди.
Мавзуга доир: Xiaomi янги ноодатий смартфон яратиш устида иш бошлади
Изоҳ (0)