Футбол бўйича Қатар юлдузлар Лигасининг 18-турида «Қатар» 24 июль, жума куни «Ар-Райён»ни қабул қилди.
Учрашувнинг 10-дақиқасида Сардор Рашидовнинг узатмасидан кейин Кайке Родригес мезбонларни ҳисобда олдинга олиб чиқди. Бироқ меҳмонлар бунга иккита гол билан жавоб қайтарди. Биринчи бўлим якуни арафасида Ёсин Иброҳими пенальтини аниқ бажарган бўлса, 84-дақиқада Йоан Боли ғалаба тўпини киритди.
Мазкур ўйинда ўзбекистонлик футболчи Сардор Рашидов 89-дақиқада захирага олинди.
Шу тариқа мавсум рестартини мағлубият билан бошлаган «Қатар» 17 очко билан 9-ўринда қолди. «Райён» (41) эса 2-поғонада кетмоқда.
Қатар юлдузлар Лигаси
18-тур баҳси
24 июль, жума
«Қатар» — «Ар-Райён» 1:2
Голлар: 1:0 – 10 Кайке, 1:1 – 40, пенальти Иброҳими, 1:2 – 84 Боли.«Қатар»: Жасим Одил, Ар-Робиай, Бақш, Галвес, Ал-Амади, Ҳамад Мансур (Абдулазиз Одил, 75), Холид Маҳмуди, Барраҳма, Рашидов (Али Ауад, 89), Аҳмад, Кайке.
«Ар-Райён»: Фаҳад Юнис, Нком, Траоре, Меркадо, Исмоил, Иброҳими, Ҳатим, Мақсуд (Сория, 72), Холид Муфта, Ауад (Ал-Ҳарози, 45), Боли.
Огоҳлантиришлар: Бақш (5), Иброҳими (45), Ар- Робиай (52), Маҳмуди (55), Боли (55).
Четлатиш: Маҳмуди (87).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)