Бокс бўйича оғир вазн тоифасида собиқ Жаҳон чемпиони Майк Тайсон бешта вазн собиқ чемпиони Рой Жонсга қарши кечадиган жанг ҳақидаги фикрлари билан ўртоқлашди.
Жанг 12 сентябрь куни Лос-Анжелесда (АҚШ) бўлиб ўтиши режалаштирилган.
«Иккимиз ҳам тажрибали жангчилармиз. Ўзимизни эплай оламиз. Биз билан ҳаммаси жойида бўлади, ишонаверинг.
Рингда Майк Тайсонни юз фоиз кўрсатишга ҳаракат қиламан. Нима қилишни биламан. Фақат олдинга бораман. Жангда нима бўлишини билмайман, бироқ Рой анча тер тўкишига тўғри келади.
Энди биз бошқача ҳаёт тарзига мослашамиз. Мен ҳеч қачон бу қадар кўп зарба ўтказиб юбормагандим. Нақафага чиқиб, ўз ҳаётимни давом эттираётгандим.
Маълум тажрибага эга бўлдим, энди эса қайтяпман. Танамга эътибор қиляпман ва руҳий томондан боксни ташлаб кейин рингга қайтган аввалги спортчилардан яхшироқ ҳолатдаман. Бу ажойиб беллашув бўлади. Уни интиқлик билан кутяпман», — дейди Тайсон.
Маълумот учун, Майк рингдаги сўнгги жангини 2005 йил ўтказган. Тайсон профессионал боксда 58 та жанг ўтказиб, уларнинг 50 тасида ғалаба қозонган. 44 та жангда рақибларини нокаутга учратган. Олтита жангда мағлуб бўлган. Иккита жанги эса ҳисобланмаган.
51 ёшли Рой Жонс эса профессионал боксда 75 та жанг ўтказиб, 66 ғалабага (47 таси нокаут) эришган ва тўққиз бор мағлуб бўлган.
Рой Жонс ва Майк Тайсон иштирокидаги энг сара жангларни томоша қилинг (видео)
Изоҳ (0)