«Ювентус»нинг келаси мавсум учун асосий трансфер мақсадлари маълум бўлди

«Ювентус» бош мураббийи Маурицио Сарри келаси мавсум учун асосий трансфер мақсадларини аниқлаб олди, дея хабар беради La Gazzetta dello Sport.

Манбага кўра, клубнинг асосий трансфер мақсади — «Челси» ярим ҳимоячиси Жоржиньони сотиб олиш. Шунингдек, Сарри Лондон клубининг яна бир футболчиси Эмерсонни (ҳимоячи) ҳам ўз жамоасида кўрмоқчи. Қайд этиш жоиз, Сарри юқорида номлари келтирилган футболчилар билан «Челси»даги фаолияти орқали яхши таниш.

Бундан ташқари, италиялик мутахассис ҳозирда 40 млн еврога баҳоланаётган «Наполи» ҳужумчиси Аркадиуш Миликни ҳам ўз жамоаси сафида кўриш ниятида.

Жоржиньо АПЛда жорий мавсумда 30 та ўйин ўтказиб, 4 та гол ва 2 та голли узатмага муаллифлик қилган бўлса, Эмерсон 15 та ўйинда майдонга тушиб, самарали ҳаракатлари билан ажралиб турмади. Аркадиуш Милик эса А Серияда 24 учрашувда ўз ҳисобига 11 та гол ёздириб қўйган.

Мазуга доир: 

• «Ювентус» А Серияда 6 йил аввалги нохуш натижасини такрорлади
• «Ювентус» сўнгги 9 йилдаги энг ёмон натижасини қайд этди