Ўзбекистон Олий судининг 32 ёшли ходими вафот этди

Ўзбекистон Олий судининг 32 ёшли ходими Бахтиёр Мукадиров пневмониядан вафот этди.

«Xabar.uz»нинг ёзишича, Бахтиёр Мукадиров уч йилдан буён Олий судда архив мудири вазифасини бажариб келган.

Маълум қилинишича, аҳволи оғирлашгани сабабли 32 ёшли Олий суд ходими 23 июль куни катта қийинчилик билан касалхонага жойлаштирилган, 24 июль куни Бахтиёр Мукадиров вафот этган.

Олий суддаги манба «Дарё»га Бахтиёр Мукадировнинг вафот этганини тасдиқлади.

Бундан аввал Қорақалпоғистон телерадиокомпанияси директори Бахитбек Элмонов, «Радиоалоқа, радиоэшиттириш ва телевидение маркази»нинг капитал қурилиш бўйича директори Алишер Абдуазизов, «Ниҳол» мукофоти совриндори, хонанда Аброр Парпиев, Марказий банк раисининг собиқ ўринбосари Ашур Қодиров, Ўзбекистонда хизмат кўрсатган маданият ходими, рассом Зубайдулла Ботиров, «Сувсоз» ДУК раҳбари Тоҳир Мирҳидоятов, «Ўзбекистон почтаси» акциядорлик жамияти Сурхондарё филиали директори Муҳиддин Маматқулов вафот этгани ҳақида хабарлар берилганди.