Bugun,

  • USD 11095.31
  • RUB 173.84
  • EUR 10772.44

Alisher Navoiy nomidagi O‘zbekiston davlat akademik katta teatri bosh rassomi, O‘zbekistonda xizmat ko‘rsatgan madaniyat xodimi Zubaydulla Botirov 20-iyul kuni 57 yoshida olamdan o‘tdi. Bu haqda Madaniyat vazirligining axborot xizmati xabar qilgan.

Zubaydulla Botirov.

Zubaydulla Botirov.
Foto: Madaniyat vazirligi axborot xizmati

“O‘zbekiston Respublikasi Madaniyat vazirligi marhumning yaqinlari va oila a’zolariga hamdardlik bildiradi”, — deyilgan xabarda.

Zubaydulla Botirov 1963-yilda Qarshi shahrida tug‘ilgan. 1986-yilda Benkov nomidagi Respublika rassomlik bilim yurtini, 1995-yilda Mannon Uyg‘ur nomidagi san’at institutining “Teatr dekoratsiyasi” bo‘limini Georgiy Brim rahbarligi ostida tugatgan.

1997—2005-yillarda Toshkent shahrida O‘zbekiston Mustaqilligi kuniga bag‘ishlangan bayram tantanalarida sahnalashtiruvchi rassom sifatida ishlagan. 1997-yilda Xiva shahrining 2500 yilligiga bag‘ishlangan bayramning bosh rassomi; 2002-yilda Yevropa tiklanish va taraqqiyot banki xalqaro forumi ochilishiga bag‘ishlangan bayramning bosh rassomi sifatida ishlagan.

2006-yilda Toshkent shahridagi Badiiy akademiya zalida rassomning shaxsiy ko‘rgazmasi o‘tkazilgan. 2008-yili Toshkent shahridagi “Biyennale” xalqaro ko‘rgazmasida ishtirok etgan, shu yili Muxtor Ashrafiy nomidagi uy-muzeyida o‘z asarlari ko‘rgazmasini namoyish etgan. Shuningdek, 2008-yilda “Jahon xalqlari san’ati” rassomlar uyushmasi xizmat ko‘rsatgan rassomi deb e’tirof qilingan.

Botirovga 2010-yilda O‘zbekistonda xizmat ko‘rsatgan madaniyat xodimi unvoni berilgan. U 1994-yildan buyon Toshkent shahridagi Alisher Navoiy nomli Davlat akademik katta teatrida ijodiy faoliyatini yuritib kelayotgandi.

Rassomning ko‘pgina asarlari AQSh, Rossiya, Italiya, Yaponiya va boshqa mamlakatlarning xususiy kolleksiyalarida saqlanadi.

Avvalroq, 14-iyul kuni O‘zbekistonda xizmat ko‘rsatgan artist Abdurayim Abduvahobov 57 yoshida vafot etgani, 18-iyulda O‘zbekistonda xizmat ko‘rsatgan artist Anvar Kenjayevning olamdan o‘tgani haqida xabarlar berilgan.

Shuningdek, taniqli rejissor Sarvar Karimov 17-iyul kuni otasi koronavirus infeksiyasidan vafot etgani, ammo unga tashxis qo‘yilmaganini ma’lum qilgan.

Izoh
Asosiy yangiliklar
Mahalliy
“Guruhlarda hazil yoki kinoya qilib aytgan gaplarimni ham chiqarib yuboradigan jurnalistlar bor” — Shohrux G‘iyosov
Mahalliy
“Ko‘pchilik meni yolg‘on ma’lumot tarqatganlikda ayblaydi” — Shohrux G‘iyosov jurnalist va blogerlarning o‘ziga munosabati haqida gapirdi
Mahalliy
Qo‘shimcha talab etiladigan 37,5 ming tonna piyoz 1-aprelga qadar ichki bozorlarga kiritiladi