Сурхондарё вилояти ҳокими Тўра Боболов коронавирусга чалиниб, Тошкент шаҳрида даволанаётгани ҳақида хабар берилган эди.
Кейинроқ ижтимоий тармоқларда Тўра Боболовнинг вафот этгани ҳақида хабарлар тарқалган, Сурхондарё вилояти ҳокимлиги мазкур хабарларни рад этди. Мазкур хабарлар ортидан турли миш-мишларнинг олдини олиш мақсадида Тўра Боболовнинг ўзи 24 июль куни видеомурожаат қилиб, аҳволи яхши эканлигини маълум қилди.
«Ассалом алайкум. Бугун 24 июль 2020 йил. Мен ҳозирги вақтда Республика шошилинч тез тиббий ёрдам илмий марказида даволанишдаман. Қисқа вақтда олий тоифали шифокорлар менга яқиндан кўмак бериб, соғлиғимни анча тиклаб олдим. Худо хоҳласа, қисқа кунларда даволаниб чиқиб, ишни давом эттириш учун куч-ғайратимиз етарли. Яна бир бор катта раҳмат», — деди Сурхондарё вилояти ҳокими.
Эслатиб ўтамиз, Қорақалпоғистон Республикаси Жўқорғи Кенгеси раиси Муса Ерниязов ҳам коронавирусга чалинган ва Нукус шаҳрида даволанмоқда.
Аввалроқ Самарқанд вилояти Нуробод тумани ҳокими Фахриддин Зоиров коронавирусга чалиниб, ҳозирда соғайгани ҳақида маълум қилганди.
Изоҳ (0)