Франциялик олимлар коронавируснинг оғир шакли билан касалланган беморларда қайд этиладиган асосий белгини аниқлади. Тегишли тадқиқот натижалари Science журналида чоп этилган.
Маълум қилинишича, олимлар енгил йўталдан бошлаб нафас етишмовчилиги билан оғриб, сунъий нафас олдириш аппаратига уланган 50 нафар беморни тадқиқ этган.
Тадқиқотчилар биоматериалларни таҳлил қилиб COVID-19’нинг оғир шакли билан оғриган барча беморларда I тур интерферон етишмовчилигини аниқлаган. Бу организм вирусга қарши курашда ишлаб чиқарадиган оқсил ҳисобланади. У коронавирус инфекцияси ривожланишини камайтиради.
Олимларнинг таъкидлашича, оқсилнинг айнан ушбу тури касалларнинг соғайишида муҳим роль ўйнайди.
Аввалроқ олимлар нима сабабдан тестлар доим ҳам коронавирусни аниқламаётганига изоҳ берган эди. Швейцариялик иммунолог эса коронавируснинг аломатларсиз ташувчилари мавжудлигини афсона деб атаган.
Изоҳ (0)