Таниқли Голливуд актрисаси Шарлиз Терон «Ўлмас гвадрия» жангари фильмида суратга тушиш вақтида учта мураккаб операцияни бошидан ўтказганини маълум қилди, деб хабар беради «Film.ru».
Шарлиз Тероннинг сўзларига кўра, у суратга олиш вақтида олинган жароҳатлар нақадар жиддий эканлигини билса-да, ишлашда давом этган. Таъкидланишича, актрисанинг жароҳатлари суратга олиш ишлари тугашига беш ҳафта қолганида безовта қилган.
Терон суратга олиш майдончасида трюкларни ўзи тез-тез мустақил бажариб туради, бу эса кўпинча турли жароҳатлар билан якунланади. Бу сафар у тирсак нервини қисиб қўйган, бош бармоғи эса суякдан кўчиб кетган. Шу сабаб актриса маълум муддат ўзининг қўлини бошқара олмай қолган.
Эслатиб ўтамиз, «Ўлмас гвардия» фильми Netflix томонидан июль ойида тақдим этилган бўлиб, сервис тарихидаги энг машҳур фильмлардан бирига айланди.
Изоҳ (0)