Ҳафта бошида 46 ёшли таниқли ҳинд актрисаси Айшвария Рай ва унинг 8 ёшли қизи Арадҳяда коронавирус аниқланган эди. Бу актрисанинг 44 ёшли турмуш ўртоғи Абҳишек Баччан ва 77 ёшли қайнотаси Амитабҳ Баччанда коронавирус аниқланганидан бир кун ўтиб юз берган эди.
Дастлаб актрисада касаллик симптомларсиз ўтаётгани айтилган бўлса, шу кунларда у ва қизи шошилинч тарзда Мумбай шаҳридаги шифохонага жойлаштирилгани маълум бўлди.
Қайд этилишича, Айшвария ва Арадҳянинг аҳволи оғирлашган, уларда нафас сиқилиши кузатилган. Айшвариянинг қайнотаси ва турмуш ўртоғи ҳам айнан шу касалхонада даволанмоқда.
Айшвария Рай бутун дунёга танилган саноқли ҳинд актрисаларидан бири ҳисобланади. У 1994 йилда «Дунё гўзали» кўрик-танловида ғолиб бўлган.
Актриса 2007 йилда Болливуд афсонаси Амитабҳ Баччаннинг ўғли, актёр Абҳишек Баччанга турмушга чиққан. 2011 йилнинг 16 ноябрида жуфтлик қиз фарзандли бўлган.
Изоҳ (0)