Кино ва театр актёри Аброр Йўлдошев Facebook’даги саҳифасида Ўзбекистон халқ артисти Гулчеҳра Жамилованинг коронавирусга чалингани ҳақида хабар ёзиб қолдирди.
«Севимли актрисамиз Гулчеҳра опа COVID-19 инфекциясига чалинганлар. Ҳозир уйда даволанмоқда, аҳволи анча яхши. Қизлари муолажа қилмоқда.
Азиз мухлислар, барчангиз дуо қилиб, Аллоҳдан Гулчеҳра опага шифо сўранг. Илоҳим, тез тузалиб кетсинлар. Яна кўп бетакрор роллар кутиб қоламиз. Ўзингизни асранг, азизлар!», деб ёзди Аброр Йўлдошев.
Актёрнинг ушбу пости айрим Telegram каналларга ҳам тарқалишга улгурди. Пост 2 соат ичида 120 та лайк ва юздан ортиқ изоҳ тўплади. Шундан сўнг актёр постни ўчириб юборди.
«Дарё» мухбири Миролим Исажонов ушбу гап-сўзлар қанчалик ростлигига ойдинлик киритиш мақсадида актриса билан боғланди. Аммо Гулчеҳра Жамилова соппа-соғ эканлигини таъкидлади.
«Қўйсангиз-чи, бундай гапларни. Ким айтди ўзи сизларга? Худога шукр, ҳозир соппа-соғман. Мана сиз билан гаплашяпман, аҳволим оғир эмас», — деди актриса.
Изоҳ (0)