Голливуд юлдузларининг фаолияти давомида олган энг қиммат гонорарлари

Қуйида келтирилган актёр ва актрисаларнинг биргина фильмидаги ижроси учун тўланадиган маблағнинг қанча экани ҳақида маълумотга эга бўлиб, кишининг «капалаги учиши» ҳеч гап эмас. Машҳурлар керак бўлса орол сотиб олиши, катта маблағни хайрия қилиши тагида, уларга оддий ишчи умр бўйи ишласа ҳам топа олмайдиган даражадаги катта миқдорда пул тўланиши ётади.

Анжелина Жоли

Фильм: «Солт», 2010 йил

Гонорар: 20 миллион доллар

«Олтин глобус» совриндори ва арсеналида 40 дан ортиқ кинофильмлар бўлган актрисага энг кўп гонорар «Солт» фильми учун тўланган. Фильмда актриса рус айғоқчиси ролини ижро қилган.

Жулия Робертс

Фильм: «Мона Лиза табассуми», 2003 йил

Гонорар: 25 миллион доллар

«Олтин глобус», «Оскар», «Эмми» ва БАФТА мукофотларига совриндор бўлгани, актрисага тўланадиган ҳақ миқдори ортишига сабаб бўлган. «Мона Лиза табассуми» фильмидаги роли учун Жулия 25 миллион долларни қўлга киритган.

Жим Кэрри

Фильм: «Ҳеч қачон йўқ дема», 2008 йилГонорар: 35 миллион доллар

«Олтин Глобус» мукофотига олти марта номзод бўлиб икки марта сазовор бўлишга муваффақ бўлган Жимнинг ютуқлари орасида «Оскар​»​ йўқлиги кишини ажаблантиради. Шунга қарамасдан актёр, энг кўп ҳақ тўланадиган кино олами вакилларидан бири ҳисобланади. «Ҳеч қачон йўқ дема» фильми учун 35 миллион доллар олгани эса бунинг исботи.

Леонардо Ди Каприо

Фильм: «Ибтидо», 2010 йилГонорар: 55 миллион доллар

Арсеналида 10 дан ортиқ нуфузли киномукофотлар бўлган Ди Каприо, карьераси давомида энг кўп гонорарни «Ибтидо» фильмида гавдалантирган роли учун қўлга киритган. Одатда 20 миллион ҳақ оладиган Леонинг бундай суммани қўлга киритишига фильм режиссёрларининг фильмдан тушган даромаддан улуш ажратишни ваъда қилгани сабаб бўлган.

Жек Николсон

Фильм: «Бетмен», 1989 йил

Гонорар: 60 миллион доллар

Оскарга 12 марта номзоди қўйилиб, икки марта сазовор бўлишга муваффақ бўлган актёр, «Бетмен»даги роли учун мукофотга эга бўлмаган бўлса ҳам, Joker образини гавдалантиргани учун карьерасидаги энг катта ҳақ тўланган.

Сандра Буллок

Фильм: «Гравитация», 2013 йил

Гонорар: 70 миллон доллар

«Гравитация» фильмида аслида Анжелина Жоли роль ижро қилиши керак бўлган, лекин ноаниқ сабабларга кўра ушбу роль Сандрага насиб қилган. Буллок ушбу роли учун нафақат 70 миллион доллар гонорар, балки «Оскар», «Олтин Глобус» ва БАФТА мукофотларига сазовор бўлган.

Том Хенкс

1. Фильм: «Форрест Гамп», 1994 йил

Гонорар: 70 миллион доллар

2. Фильм: «Оддий аскар Райанни қутқариш», 1998 йил

Гонорар: 40 миллион доллар​

3. Фильм: «Фаришталар ва иблислар», 2009 йил

Гонорар: 50 миллион доллар

«Форрест Гамп» суратга олинишидан аввал фильм режиссёрлари натижа муваффақиятли бўлишига шубҳа қилган ва Томга тушадиган даромаднинг 10 фоизини ваъда қилган. Алал-оқибат фильм энг юқори рейтинглардан ўрин олган ва Хенксга 70 миллион доллар тўланган. «Оддий аскар Райанни қутқариш» фильми учун 40 миллион доллар, 2009 йилда суратга олинган «Фаришталар ва иблислар» фильми учун 50 миллион долларга эга бўлган.

Жонни Депп

1. Фильм: «Алиса ғаройиботлар мамлакатида», 2010 йилГонорар: 75 миллион доллар​

2. Фильм: «Кариб денгизи қароқчилари: Номаълум соҳилларда», 2011 йил

Гонорар: 56 миллион доллар

Жонни Деппга ҳам ҳамиша энг юқори нархлар тўланган, лекин «Алиса ғаройиботлар мамлакатида» ва «Кариб денгизи қароқчилари: Номаълум соҳилларда» фильмлари учун олган гонорари актёр карьерасидаги энг катта маблағ саналади.

Уилл Смит

1. Фильм: «Мен роботман», 2004 йил

​Гонорар: 28 миллион доллар​

2. Фильм: «Қора либосли одамлар — 3», 2012 йил

Гонорар: 100 миллион доллар

Актёр ўзи ва ижросига баҳоси юқори бўлган кино олами вакилларидан саналади. «Қора либосли одамлар» фильмининг 1-2 қисмлари учун атиги 5 миллион доллар олган Уилнинг, ижросидан кейин учинчи қисм ҳам машҳурликка эришишига ишончи комил бўлиб, 100 миллион доллар сўрагани бунинг исботи. Бунгача актёр олган гонорарларнинг энг юқориси «Мен роботман» фильми учун тўланган 28 миллион доллар бўлган.

Том Круз

1. Фильм: «Уддалаб бўлмас топшириқ — 2»,2000 йил

Гонорар: 75 миллион доллар

2. Фильм: «Дунёлар жанги», 2005 йил

Гонорар: 100 миллион доллар

3. Фильм: «Уддалаб бўлмас топшириқ — 3»,2006 йил

Гонорар: 75 миллион доллар

Актёр «Дунёлар жанги»да иштирок этиб 100 миллион доллар олмагунига қадар, «Уддалаб бўлмас топшириқ» фильмининг 2-3 қисмлари учун тўланган гонорарлар карьерасидаги энг катта ҳақ бўлган. Хулоса қилинадиган бўлса, актёр 6 йиллик актёрлик фаолияти давомида 250 миллион долларга эга бўлган.