АОКА ҳузуридаги штабда бўлиб ўтган брифингда Коронавирусга қарши кураш штаб аъзоси Барно Одилова Ўзбекистонда қайси соҳа вакиллари ўртасида коронавирусга чалинганлар кўпроқ эканлигини маълум қилди.
Жумладан, аҳолидан келиб тушган «Ҳозирги кунда COVID-19 билан қайси соҳа вакиллари энг кўп зарарланганини айтсангиз. Шунингдек, қайси соҳа вакиллари касалликнинг оғир кўринишидан азият чекмоқда?», — деган саволга мутахассис қуйидагича жавоб берган:
«Касалликнинг оғир ёки енгил кечиши бирор касбга боғлиқ эмас. Бу одамнинг организмидаги иммунитет ҳолати, сурункали касалликларининг оғир ёки енгил даврилигига жуда ҳам боғлиқ. Бугунги кундаги таҳлиллар шуни кўрсатадики, касалликнинг 30% хориждан келганлар орасида, 17% улар билан мулоқотда бўлганлар, қолаверса, ҳайдовчилар, ишлаб чиқариш, савдо ва хизмат кўрсатиш соҳалари ходимлари ҳамда уй бекалари орасида қайд этилган».
Мавзуга доир: Ҳабибулла Оқилов: «Пневмония ва коронавирус асорати бўлган пневмонияни адаштирмаслик керак»
Эслатиб ўтамиз, Ўзбекистонда коронавирус билан боғлиқ вазиятнинг кескинлашаётгани сабабли 10 июлдан 1 августгача мамлакатда қатъий карантин чоралари жорий қилинган. 10 июлдан тўйлар, оилавий ва оммавий тадбирлар тақиқланди, автотранспорт ҳаракати чекланди, буюм бозорлари ва болалар боғчалари ёпилди, халқаро авиақатновлар икки бараварга қисқартирилди.
Мавзуга доир:
- Ўзбекистонда коронавирус эпидемияси ва иқтисодиётни тадрижий «очиш» муаммолари
- Шавкат Мирзиёев коронавирусга қарши курашда интизом, сабр-тоқат ва масъулият кўрсатишни сўраб, халққа мурожаат қилди
- Тошкентда 74 та кўп тармоқли марказий ва оилавий поликлиника аҳолига кун-у тун хизмат кўрсатиш тизимига ўтказилди
Изоҳ (0)