O‘zbekistonda 10-iyuldan boshlab joriy etiladigan kuchaytirilgan karantin davrida Toshkent viloyatida istiqomat qiluvchi, biroq Toshkent shahrida mehnat qiluvchi ishchi-xodimlarning poytaxtga kirib-chiqishiga ham ruxsat berilmaydi.
Shohrux G‘iyosov.
Foto: Madina Nurman / “Daryo”
Bu haqda karantin talablari qayta kuchaytirilishi munosabati bilan 8-iyul kuni AOKAda tashkil etilgan matbuot anjumanida Ichki ishlar vazirligi matbuot kotiib Shohrux G‘iyosov ma’lum qildi, deya xabar bermoqda “Daryo” muxbiri.
Matbuot anjumani davomida G‘iyosov stikerli avtotransport vositalari bilan bog‘liq vaziyat yuzasidan berilgan savolga ham javob berdi.
“Stikerli avtotransport vositalari harakatlanishiga ruxsat etiladi. Biroq ushbu masalani bugun yaxshilab o‘rganib, ertaga o‘tkaziladigan brifingda aniq javobni aytishim mumkin”, — dedi IIV matbuot kotibi.
Eslatib o‘tamiz, O‘zbekistonda 10-iyuldan 1-avgustga qadar karantin tartibi keskin kuchaytirilmoqda. Jumladan, to‘ylar taqiqlanmoqda, bolalar bog‘chalari yopilmoqda, viloyatlararo avtotransport qatnovi to‘xtatilmoqda, avtomobildan foydalanish yana cheklanmoqda.
Mavzuga doir:
- “O‘zbekiston sog‘liqni saqlash tizimidagi resurslar poyoniga yetdi, desa mubolag‘a bo‘lmaydi. Bo‘sh koyka-o‘rinlar qolmadi” — Habibulla Oqilov
- “O‘zbekistonda kuniga 1—1,5 mingta koronavirusga chalinish holati aniqlansa, sog‘liqni saqlash tizimimiz qulaydi” — Habibulla Oqilov
- “Biz Maxsus komissiyadan 28 kun so‘ragandik, 20 kunga chidab bersak ham katta gap deyishdi” — Habibulla Oqilov
