Bugatti компанияси Divo гиперкарларини дастлабки буюртмачиларга етказиб беришни бошлайди. Ҳар бир нусха мижозга юборилишидан олдин узоқ вақт синовдан ўтказилади. Кенг кўламли тест-драйв вақтида франциялик муҳандислар ҳар бир автомобилнинг маълум қилинган техник тавсифини тасдиқлайди, деб хабар беради Motor.
Ҳар бир Bugatti Divo’ни синовларга тайёрлаш билан олти нафар муҳандис шуғулланади. Тест-драйвни бошлашдан олдин гиперкар кузови ҳимоя плёнкаси билан қопланади. Шунигдек, ғилдираклар ҳам тест учун алмаштирилади. Буларнинг барчаси ҳали мижознинг қўлига етиб бормаган машинани максимал даражада ҳимоялаш учун мўлжалланган.
Динамик синовларни Bugatti’нинг 95 фоиз автомобилларини тестдан ўтказган муҳандис — Стив Женни амалга оширади. Мутахассис дастлаб ушбу нусха буюртмачининг хоҳишига мос келиш-келмаслигини текширади, шундан сўнг гиперкарнинг барча электр функцияларини кўздан кечириб, синовларга киришади. Тест-драйв камида беш соат давом этади. Синов вақтида гиперкар маршрутидан тоғли ва умумий фойдаланишга мўлжалланган йўллар ўрин олади. Умумий ҳисобда ҳар бир автомобилда 300 километрга яқин йўл босилади.
Гиперкарнинг тезлик синовлари аэропортнинг ёпиқ учиш-қўниш йўлагида амалга оширилади. Бу ерда Divo соатига 250 км/соат тезликка эришади. Тест-дарйвнинг сўнгги босқичида машина 50 километрли йўлни босиб ўтади ва қиймати 5 миллион евро турадиган гиперкарга якуний хулоса берилади. Дастлабки Bugatti Divo’нинг 40 та нусхаси яқин ойлар ичида ўз эгаларига юборилади.
Аввалроқ Bugatti моделларига ўрнатилган кондиционерининг қуввати уч хонали квартирани совутишга етиши маълум қилинганди.
Мавзуга доир: Audi ТТ автомобили Bugatti Veyron’га айлантирилди (фото)
Изоҳ (0)