Самарқанд вилоятида Lacetti ва DAF автомашиналари ўртасида ЙТҲ содир бўлди. Оқибатда 2 киши ҳалок бўлди, дея хабар беради Ички ишлар вазирлиги ҳузуридаги Тергов департаменти.
Қайд этилишича, 2020 йил 19 июль куни, тахминан, соат 06:30 да Самарқанд шаҳри ҳудудидан ўтувчи М-37 автомобиль йўлининг 43-километрида ҳайдовчи 38 ёшли А.З. бошқарувида бўлган DAF юк машинаси ва Бухоро йўналишидан Тошкент йўналиши томонга йўлнинг қарама-қарши томонидан ҳаракатланиб бораётган ҳайдовчи 31 ёшли Ф.Х.нинг бошқарувида бўлган Lacetti русумли автомашина билан тўқнашув содир бўлган.
Оқибатда Lacetti русумли автомашина ҳайдовчиси А.З. ҳамда йўловчиси 24 ёшли Э.Р. оғир тан жароҳатлари олиб ҳодиса жойида вафот этган.
Мазкур ҳолат юзасидан Самарқанд вилояти ИИБ ҳузуридаги Тергов бошқармаси томонидан ҳолат юзасидан Жиноят кодексининг 266-моддаси 3-қисми (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Қашқадарёда Собалт ҳайдовчиси велосипед бошқариб кетаётган аёлни уриб юборди. Аёл воқеа жойида вафот этди
- Тошлоқдаги тошли йўлда Nexia 2’нинг тут дарахтига урилиши оқибатида йўловчи вафот этди
- Ўзбекистонда йил бошидан буён содир этилган ЙТҲларнинг қарийб 650 таси ўлим билан якунланган
- Қашқадарёда юк автомобили ва Orlando тўқнашди. 2 киши воқеа жойида вафот этди, 4 киши оғир аҳволда шифохонага ётқизилган
Изоҳ (0)