АҚШдаги Bring a Trailer аукционида ракета кўринишида яратилган бир ўриндиқли стримлайнер сотувга қўйилди. Автомобиль бир неча маротаба жаҳон рекордларини ўрнатган бўлиб, уни 19 минг доллар эвазига харид қилиш мумкин, деб хабар беради Motor.
Рекордчи стримлайнернинг кузови алюминийдан ишланган. Модель карбон тормоз дискалари ва махсус парашют билан жиҳозланган. Автомобилни Cadillac’нинг V8 «твин-турбо» двигатели ҳаракатга келтиради. Бундан ташқари, машинага кучайтирилган «орқа кўприк» ўрнатилган.
Стримлайнер ўзининг биринчи рекордини 2004 йилда ўрнатган. Ўшанда автомобиль соатига 497 километр тезликка қадар чиққан. Навбатдаги беллашувда «ракетамобил» 531 км/соатда маррани забт этган. Бу каби пойгаларда 8,2 литрли моторлар ўрнатилган моделлар ҳам иштирок этган. Орадан бир йил ўтгач стримлайнер навбатдаги рекордини ўрнатган — 560 км/соат.
Бироқ стримлайнер асосий рекордларини 2006 ва 2010 йиллардан ўрнатган. Бонневил туз кўлидаги биринчи беллашувдан олдин машина тўлиқ модификацияга учраган бўлиб, у соатига 644 километр тезликка эришган. Орадан 4 йил ўтгач, худди шу ерда стримлайнер янги тезлик рекордини ўрнатган ва у ҳозиргача сақланиб келмоқда — 658 км/соат.
Автомобиль 10 йилдан буён ҳаракатсиз турибди ва техник таъмирга муҳтож. Сотувчининг сўзларига кўра, стримлайнерни ҳаракатга келтиришда ёқилғи сифатида нафақат бензин, балки бошқа турдаги ёқилғидан ҳам фойдаланиш мумкин.
Изоҳ (0)