Малайзияда тиббиёт қўлқопларини ишлаб чиқарувчи учта корхонанинг капитали 2020 йилда коронавирус эпидемияси бошланганидан бери жами 26 миллиард долларгача ўсган, деб ёзмоқда Bloomberg.
Компания акцияларининг нархи COVID-19 эпидемияси даврида бозорда қўлқопларга бўлган талабнинг ошиши натижасида кўтарилиб бормоқда.
Supermax Corp қимматли қоғозларининг нархи 2020 йилда йиллик кўрсаткич бўйича 1000 фоизга, Top Glove Corp акциялари нархи 389 фоизга ўсган. Kossan Rubber акциялари нархи 230 фоизга кўтарилган. Bloomberg’нинг қайд этишича, бу Малайзия бозори учун ақл бовар қилмас даражадаги кўтарилиш.
Бу ҳақда агентликка Northcape Capital Ltd бошқарувчиси Росс Кемерон маълум қилган, унинг айтишича қўлқоп ишлаб чиқарувчилари 2020 йил якунлари бўйича ҳисоботда 100 фоиздан кўпроқ даромад кўрган корхоналар сифатида қайд этилади.
Изоҳ (0)