Бутун дунёда коронавирус инфекцияси асоратлари оқибатида вафот этган беморлар сони 600 минг нафардан (602 886 киши) ошиб кетди. АҚШнинг Жонс Ҳопкинс университети эълон қилиб бораётган расмий, давлат ва бошқа манбаларга асосланган статистик маълумотларда ахборот берилган.
2020 йил 19 июль Тошкент вақти 20:15 ҳолатига кўра, қурбонлар сони бўйича биринчи ўринни АҚШ эгаллаб турибди, мамлакатда 140 131 нафар одам коронавирус оқибатида ҳаётдан кўз юмган. Кейинги ўринларда Бразилия – 78 772 та ва Буюк Британия — 45 358 та ўлим ҳолатлари билан бормоқда.
Шунингдек, коронавирусдан вафот этганлар сони бўйича ўнталик рўйхатга қуйидаги давлатлар кирган:
- Мексика 38 888 та ўлим ҳолати;
- Италия 35 042 та ўлим ҳолати;
- Франция 30 155 та ўлим ҳолати;
- Испания 28 420 та ўлим ҳолати;
- Ҳиндистон 26 816 та ўлим ҳолати;
- Эрон 14 188 та ўлим ҳолати;
- Перу 12 998 та ўлим ҳолати.
Аввал COVID-19 билан касалланганлар сони дунё бўйича 14 миллион нафардан ошгани хабар қилинганди. Коронавирусга чалинган беморлар сони бўйича ҳам АҚШ яққол етакчи — пандемия бошланганидан бери инфекцияни юқтириб олганлар сони 3,71 миллион нафарга етган. Кейинги ўринларда Бразилия ва Ҳиндистон бормоқда, ушбу мамлакатларда касалланганлар сони мос равишда 2 миллион ва 1 миллион нафардан ошган. Россия бу борада 4-ўринни эгаллайди – 764,2 мингта касалланиш ҳолати қайд этилган.
Изоҳ (0)