Чеченистон давлат хизматчиларининг маҳаллий «Грозний» телеканалининг ижтимоий тармоқлардаги саҳифаларига обуна бўлиши мажбурий деб белгилаб қўйилди. Бу ҳақда республика раҳбари Рамзан Қодиров Веденск туманидаги Хой қишлоғида ўтган йиғилишда топшириқ берган, дея хабар берган Meduza.
«Бир нарсани тушунмайман, одам қанақасига Instagram’да саҳифасига эга бўлиши, аммо ЧДТРК «Грозний» телеканалининг саҳифасига обуна бўлмаслиги мумкин. Барча ахборотни шу ердан олиш керак. Ватанидаги вазият, қандай ўзгаришлар бўлаётгани, ислоҳотлар, қарорлар қабул қилинаётгани билан қизиқмайдиган давлат ходими, хизматчиси ўз лавозимига лойиқ эмас. Агар унинг бу билан иши бўлмаса, уни нафақат ходим, танлаган йўлимизда бизга дўст одам дейиш қийин бўлади. Агар YouTube, «ВКонтакте» ва бошқа ижтимоий тармоқларда «Грозний» телеканалининг саҳифаларини кузатмаса, демак у бизнинг жамият учун хавфли одам», — деган Рамзан Қодиров.
«Грозний» телеканалининг YouTube’даги саҳифасида хабар қилинишича, Қодиров Хой қишлоғидаги йиғилишда Чеченистон атрофида салбий ахборотлар тўпланаётгани ва бу орқали ҳудуддаги вазиятни беқарорлаштиришга уриниш ҳолатлари юзага келиши мумкинлигига эътибор қаратган.
«Ёлғон маълумотлар билан бизни доғда қолдирмоқчи бўлаётган душманларга муносиб қаршилик кўрсатишимиз керак. Бу нафақат ҳукуматнинг балки ОАВнинг ҳам вазифаларига киради. Менимча ёлғонни ҳақиқат билан ҳар қандай услубда янчиб ташлаш ҳар бир кишининг фуқаролик бурчи!» — дея Қодиров сўзларидан иқтибос келтирган маҳаллий телеканал.
Мавзуга доир:
- Чеченистон раҳбари Рамзан Қодиров Путинни умрбод президентликка сайлашни таклиф қилди
- «Менинг тестим антитана аниқламади». Рамзан Қодиров коронавирусга чалинмаганини маълум қилди
- «Кимдир менинг топшириғим билан ҳаракат қилса, у буни бажаради». Рамзан Қодиров грузиялик журналистга уюштирилган ҳужум ҳақида
Изоҳ (0)