Карантин вақтида Янги Орлеанда истиқомат қилувчи Соня Каримий қариб қолган итларининг зинадан кўтарилишига ёрдам берувчи ажойиб ғояни амалга оширди, деб хабар беради Bored Panda.
Sonya Karimi" data-action="zoom" class="border lazyload" />
Соня ва унинг қайлиғи Зак ёғочдан кичик кўтаргич ясаган ва тайёр бўлган ихтирони «Итлар лифти» (Doggie-vator) деб атаган. Соня итларнинг юқорига лифт ёрдамида кўтарилаётгани тасвирланган видеони ижтимоий тармоққа жойлаштирганидан сўнг, у кўплаб фойдаланувчиларнинг кўнглини забт этган. Instagram’да кўпчилик Каримийни қилган иши учун мақтамоқда.
https://www.instagram.com/p/CCeXUophLRC/?utm_source=ig_embed&utm_campaign=loading
Маълум бўлишича, бундан бир неча ой олдин Соня тизза боғимларида жароҳати бор Бодхи лақабли итни асраб олган.
«Ишхонамда одамлар учун мўлжалланган фойдали зина кўтаргичларини кўргандим ва итлар учун бугунги кунда шунча нарсалар борлигига қарамасда, бу каби кўтаргичнинг йўқлигидан ҳайратга тушдим. Шу сабабли итларимиз учун Doggie-vator механизмини яратишга қарор қилдим», — дейди Соня.
Сонянинг таъкидлашича, итлар бунга жуда тез ўрганиб олган.
Каримийнинг жами тўртта ити бор: 10 ёшли Бодхи, 4 ёшли Эмери, 13 ёшли Жорж ва 10 ёшли Сем.
Изоҳ (0)