АҚШнинг Мичиган штатида мактаб ўқувчиси уй вазифасини бажармагани ва синов муддатини бузгани учун балоғатга етмаган болалар қамоқхонасига юборилди. Бу ҳақда ProPublica хабар берди.
Қайд этилишича, 2019 йилда Грэйс исмли 15 ёшли қиз онасига тажовуз қилиш ва ўғриликда айбланган. Полиция хабарига кўра, дўсти олдига боролмаслигидан хафа бўлган мактаб ўқувчиси онасини бармоғини тишлаб сочларини юлиб жанжал қилган.
Унга уй вазифасини бажариш шарти билан синов муддати тайинланган. Лекин қиз ушбу шартларни бажармаган ва синов муддатини бузган.
Ўсмир диққат етишмовчилигидан азоб чеккан. Унинг сўзларига кўра, у ўзини руҳий тушкун ҳис қилган. Шунингдек, коронавирус пандемияси туфайли масофавий ўқитиш тизими унга қийинчилик тиғдирган.
Изоҳ (0)