Теннесси штатининг Колльервилль шаҳарчасида истиқомат қилувчи Элис Хоул имсли аёл шаҳар ҳукуматини судга берди, деб ёзади WMC5.
Маълумотларга кўра, 2019 йилнинг 3 июнида Элис полицияга мурожаат қилиб, эри Дэвид ўз жонига қасд қилиш билан таҳдид қилганини билдирган. Дэвид қурол олиб, ўзини отишга уринган — бу тушкунлик ва унга қарши дори воситаларининг бекор қилиниши сабаб юзага келган ўз жонига қасд қилишга мойиллик фонида содир бўлган. Бироқ бу каби вазиятларда ёрдам гуруҳини юбориш ўрнига, маҳкама аёл ва унинг эри ёнига махсус бўлинмани жўнатган.
Махсус бўлинма офицери Остин Уэйгспэк эркакдан қуролни ташлашни талаб қилган. Дэвид унинг айтганини бажармагач, офицер уни отиб ташлаган. Бу махсус бўлинма ходимлари уйга кирганидан 4 сония ўтиб содир бўлган.
Аёлнинг адвокати Жеффри Розенблюмнинг сўзларига кўра, Элис ўз ҳаётига хавф туғилаётгани тўғрисида ҳеч нарса демаган. Бундан ташқари, содир бўлган воқеадан бир кун олдин у полицияга мурожаат қилиб, Дэвид ўз жонига қасд қилмоқчи эканлиги ва зарур туғилганида ёрдам гуруҳи юборишларини сўраган.
Колльервилль шаҳри ҳукумати адвокатининг таъкидлашича, Дэвид махсус бўлинма ходими талабини бажармаган ва Элис полиция чақирганидан жаҳли чиқиб, унинг олдига бораётган бўлган.
Мавзуга доир: АҚШдаги отишмада жиноятчи ўз синглисини отиб қўйди
Изоҳ (0)