Karantin vaqtida Yangi Orleanda istiqomat qiluvchi Sonya Karimiy qarib qolgan itlarining zinadan ko‘tarilishiga yordam beruvchi ajoyib g‘oyani amalga oshirdi, deb xabar beradi Bored Panda.
Sonya va uning qaylig‘i Zak yog‘ochdan kichik ko‘targich yasagan va tayyor bo‘lgan ixtironi “Itlar lifti” (Doggie-vator) deb atagan. Sonya itlarning yuqoriga lift yordamida ko‘tarilayotgani tasvirlangan videoni ijtimoiy tarmoqqa joylashtirganidan so‘ng, u ko‘plab foydalanuvchilarning ko‘nglini zabt etgan. Instagram’da ko‘pchilik Karimiyni qilgan ishi uchun maqtamoqda.
https://www.instagram.com/p/CCeXUophLRC/?utm_source=ig_embed&utm_campaign=loading
Ma’lum bo‘lishicha, bundan bir necha oy oldin Sonya tizza bog‘imlarida jarohati bor Bodxi laqabli itni asrab olgan.
“Ishxonamda odamlar uchun mo‘ljallangan foydali zina ko‘targichlarini ko‘rgandim va itlar uchun bugungi kunda shuncha narsalar borligiga qaramasda, bu kabi ko‘targichning yo‘qligidan hayratga tushdim. Shu sababli itlarimiz uchun Doggie-vator mexanizmini yaratishga qaror qildim”, — deydi Sonya.
Sonyaning ta’kidlashicha, itlar bunga juda tez o‘rganib olgan.
Karimiyning jami to‘rtta iti bor: 10 yoshli Bodxi, 4 yoshli Emeri, 13 yoshli Jorj va 10 yoshli Sem.
Izoh (0)