Америкалик рэпер Канье Уэстнинг юзи Рашмор тоғидаги АҚШ президентлари қаторида пайдо бўлди. Бунда унга қўшиқчининг сиёсий карьераси эмас, балки фототаҳрирлагич ёрдам берган, деб ёзади Esquire.
Рашмор тоғида Жорж Вашингтон, Томас Жефферсон, Теодор Рузвельт ва Авраам Линкольн портретларининг барельефи ўрин олган. Афтидан рэпер сиёсий курашга жиддий киришган кўринади.
Эслатиб ўтамиз, тахминан икки ҳафта олдин рэпер 2020 йилнинг ноябрида АҚШ президентлиги учун бўлиб ўтадиган сайловларда иштирок этмоқчилигини маълум қилганди.
Ушбу баёнотдан сўнг, рэпер Forbes журналига берган интервьюсида Оқ уйнинг ишлаш моделини Ваканда принципага (Marvel оламидаги тўқима мамлакат) асосан қайта яратишини маълум қилган. Шунингдек, рэпер вакцинацияга шубҳа билан қарашини билдирган. Коронавирусга қарши вакцинани у инсонлар жаннатга тушмаслиги учун чиплаштириш жараёни деб ҳисоблайди.
Орадан ўн кун ўтгач, ОАВда Канье Уэст президентлик пойгасидан чиқиши ҳақида хабарлар пайдо бўлганди, бироқ эртаси куни у президентликка номзод сифатида расман рўйхатдан ўтган.
Маълумот учун, 2020 йил апрель ойида рэпер Канье Уэст молиявий ҳисоботларини эълон қилгандан сўнг миллиардерга айланганди. Июнь ойида Forbes энг кўп ҳақ тўланадиган машҳурлар рейтингини эълон қилган, унда Уэст Кайли Женнердан кейин 170 миллион доллар билан 2-ўринни эгаллаганди.
Изоҳ (0)