Ўзбекистонда 17 июль соат 23:30 ҳолатига кўра, коронавирус инфекцияси қайд этилганлар сони яна 125 кишига кўпайиб, касалланганларнинг умумий сони 15 607 нафарга етди. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг
- 52 таси карантин марказидаги фуқаролар (барчаси хориждан келган) орасида;
- 35 таси Сирдарё вилоятида тана ҳарорати кўтарилганлиги туфайли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида;
- 24 таси Андижон вилоятида;
- 14 таси Қорақалпоғистонда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Шу куни Тошкент шаҳридаги тиббиёт муассасаларида 94 нафар, Қашқадарё вилоятида 42 нафар, Самарқанд вилоятида 34 нафар, Андижон вилоятида 30 нафар, Қорақалпоғистонда 13 нафар, Наманган вилоятида 6 нафар ҳамда Жиззах вилоятида 1 нафар, жами 220 нафар бемор коронавирус инфекциясидан тузалган.
Ўзбекистонда COVID-19 касаллигидан тузалганларнинг умумий сони 9003 нафарни (57 фоиз) ташкил қилмоқда.
Республика бўйича 6525 нафар беморга шифокорлар томонидан белгиланган стандартлар бўйича даво чоралари кўрилмоқда, дейилади ССВ хабарида.
Эпидемия бошланганидан бери ССВ тақдим этиб келаётган расмий статистикага кўра Ўзбекистонда 80 нафар бемор COVID-19 асоратлари оқибатида вафот этган.
Изоҳ (0)