O‘zbekistonda 17-iyul soat 23:30 holatiga ko‘ra, koronavirus infeksiyasi qayd etilganlar soni yana 125 kishiga ko‘payib, kasallanganlarning umumiy soni 15 607 nafarga yetdi. Bu haqda Sog‘liqni saqlash vazirligi xabar berdi.
Yangi kasallanish holatlarining
- 52 tasi karantin markazidagi fuqarolar (barchasi xorijdan kelgan) orasida;
- 35 tasi Sirdaryo viloyatida tana harorati ko‘tarilganligi tufayli profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida;
- 24 tasi Andijon viloyatida;
- 14 tasi Qoraqalpog‘istonda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shu kuni Toshkent shahridagi tibbiyot muassasalarida 94 nafar, Qashqadaryo viloyatida 42 nafar, Samarqand viloyatida 34 nafar, Andijon viloyatida 30 nafar, Qoraqalpog‘istonda 13 nafar, Namangan viloyatida 6 nafar hamda Jizzax viloyatida 1 nafar, jami 220 nafar bemor koronavirus infeksiyasidan tuzalgan.
O‘zbekistonda COVID-19 kasalligidan tuzalganlarning umumiy soni 9003 nafarni (57 foiz) tashkil qilmoqda.
Respublika bo‘yicha 6525 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda, deyiladi SSV xabarida.
Epidemiya boshlanganidan beri SSV taqdim etib kelayotgan rasmiy statistikaga ko‘ra O‘zbekistonda 80 nafar bemor COVID-19 asoratlari oqibatida vafot etgan.
Izoh (0)