LG ўзини бактериялардан тозалаш функциясига эга симсиз наушникларни 149 доллардан сотувга чиқарди

LG компанияси кейсига кичик ультрабинафша лампалар ўрнатилган ноодатий симсиз наушникларни сотувга чиқарди, деб хабар беради «Hi-Tech.Mail.ru».

LG Tone Free HBS-FN6 — бу тўлиқ симсиз классик наушник (TWS). У ультрабинафша лампалар ёрдамида наушникларни тозаловчи қўшимча функцияга эга. Компаниянинг маълум қилишича, бу наушник динамикларидаги бактерияларни 99,9 фоизга йўқ қила олади.

Мазкур янгилик коронавирус пандемияси билан боғлиқ бўлиши мумкин, бироқ ультрабинафша унга нисбатан жуда ҳам самарали эмас. Шу сабабли ушбу функция шахсий гигиена йўлида керак.

LG Tone Free наушниклари бир марта қувватланиш орқали 6 соат ишлай олади, кейс эса қўшимча 12 соатга етадиган қувват беради. Ультрабинафша лампа унинг автономлигига таъсир кўрсатмайди.

LG симсиз наушниклари АҚШда 149 доллардан сотувга чиққан.

Аввалроқ McLaren компанияси карбон корпусли симсиз наушникларини тақдим этган эди.