Коронавирус пандемияси дунёнинг кўплаб давлатларида жиддий муаммога айланди ва йирик технологик компаниялар унга қарши курашда ёрдам кўрсатмоқда. Масалан, Таиланд ҳукуматига касаллик тарқалишининг олдини олишда Huawei ёрдамлашди, деб ёзади SoyaCincau.
Маълум қилинишича, Хитой гиганти Таиланд телекоммуникация ва телерадиоэшиттиришлар миллий комиссияси билан ҳамкорликда мамлакатдаги йирик шифохоналарга тиббиёт товарларни етказиб беришда ҳайдовчисиз бошқариладиган машиналардан фойдаланган. Машинани масофадан туриб бошқариш 5G алоқа тармоғи ёрдамида амалга оширилган.
Лойиҳа Сирараж шифохонасида тиббиёт муассасалари ўртасида ички логистикани яхшилаш учун ишга туширилган. Тизим ходимларга тушадиган юкламаларни ва уларнинг касалликка чалиниш хавфини камайтиришга имкон беради. Таиланд Жануби-Шарқий Осиё давлатлари ассоциациясида 5G алоқа тармоғи хизматларидан тижорий секторда фойдаланган биринчи мамлакатга айланди.
Март ойида дунёнинг йирик IT-компаниялар коронавирусга қарши курашга ўз ҳиссасини қўшаётгани, Apple ва Facebook миллионлаб ниқобларни харид қилаётгани, Amazon эса официантларни ишга ёллашни бошлагани тўғрисида хабар берилганди.
Изоҳ (0)