McLaren Formula-1 пойга жамоаси Klipsch компанияси билан ҳамкорликда Т5 II McLaren Edition номли махсус симсиз наушникларни тақдим этди. Қурилма корпуси карбондан тайёрланган, унинг жамланмасидан брошюра ва серияли номерли «табличка» ўрин олган, деб хабар беради Motor.
McLaren’нинг карбон наушникларини алоҳида серияси биринчи авлод Klipsch Т5 II True Wireless модели базасида яратилган. Унинг ўзига хос жиҳатлари — алюминли кейс ўрнига Papaya Orange рангидаги углепластик ғилофдан фойдаланилган ва наушникларнинг ўзига McLaren логотипи туширилган. Жамланмадан юқори сиғимга эга (тўрт маротаба қувватлантиришга етади) захира аккумулятори, олти жуфт силикон «амбушюр», шунингдек, симсиз қувватлантиргич ўрин олган.
Қурилма чанг ва турли суюқликлардан ҳимояланган, хусусан, намликни йўқотиш учун Klipsch технологиясидан фойдаланилади. Ҳар бир жуфт наушник серияли рақам ва ишлаб чиқарилган санаси қайд этилган металл «табличка»га эга.
Мазкур наушниклар 2020 йилнинг 1 сентябрида 334 доллар атрофида сотувга чиқади. Таққослаш учун, оддий Klipsch Т5 II True Wireless нархи 237 долларга тенг.
Аввалроқ интернетда Samsung компаниясининг шовқинни фаол сўндириш функциясига эга янги симсиз наушникларининг расмий суратлари тарқалиб кетгани тўғрисида хабар берилганди.
Изоҳ (0)