Eve Online ўйини дастурчилари коронавируснинг инсон иммун тизимига таъсирини тушунишга ёрдам берадиган «Дискавери» лойиҳасини ишга туширди. Илмий таҳлил ўйинчиларнинг ўйин билан алоқаси асосида яратилган, деб хабар беради Hi-Tech.Mail.ru.
Илмий тадқиқот жараёнида ўйинчиларнинг компьютерлари қувватидан фойдаланилади. Коронавирусга қарши курашда иштирок этиш учун фойдаланувчилар ўйинга киришлари ва «Неоком» меню тизими орқали лойиҳага қўшилишлари керак. Шундан сўнг, геймерларни Кейл университети хаёлий тадқиқот ташкилотининг иммунолог профессори Андреа Коссаритса кутиб олади.
Дастурчиларнинг сўзларига кўра, олимларга пандемияда ёрдам беришда фойдаланувчилардан алоҳида вазифалар талаб этилмайди. Маълумотларни қайта ишлаш ва йиғиш ўйин жараёни автоматик тарзда амалга оширилади. Лойиҳага жалб этилган олимларнинг таъкидлашича, ўйинчилар локал мини-вазифаларни бажаради ва шундан сўнг, махсус алгоритм маълумотларни бирлаштиради.
«Сизлар бажарган ишлар натижаси олимларга янги турдаги коронавирус иммун тизимингизга қандай таъсир кўрсатишини яхшироқ тушунишга ёрдам беради» — дейилади Eve Online мурожаатида. Лойиҳада иштирок этганлар махсус виртуал мукофотларни қўлга киритиши, масалан, «Биологик хавфсизлик хизмати» рангига ва бошқа модификацияга эга бўлиши мумкин.
«Дискавери» лойиҳаси 2015 йилдан буён мавжуд, Eve Online ўйинининг ўзи эса 2003 йилнинг майида Исландиянинг CCP Games фирмаси томонидан тақдим этилган. Лойиҳанинг учинчи фазаси 15 июнда ишга туширилган. «Дискавери»ни ишга туширишдан олдин коронавирусга қарши кураш учун маблағ йиғиш кампанияси ўтказилган бўлиб, унинг натижасида 135 минг доллар йиғилган.
Изоҳ (0)