Коронавирусга қарши кураш штаби аъзоси Барно Одилова коронавируснинг аломатсиз ва енгил тури билан оғриган беморлар уй шароитида нималар истеъмол қилиши кераклигини айтди.
Жумладан, беморлар кунига 5 маҳал овқатланиши, бунда соат 11.00 да иккинчи нонушта ва 16.00 да толма чой берилиши тавсия этилди. Асосан суюқ овқатлар, кунига 400 граммдан кам бўлмаган мевалар, сабзавотлар, жумладан, наъматак, олма, петрушка, шивит, қизил булғор қалампири, карам каби C дармондорисига бой маҳсулотлар, сут маҳсулотлари ва салатларни тез-тез истеъмол қилиш кераклиги билдирилди.
Мавзуга доир: Ўзбекистонда коронавируснинг аломатсиз шакли билан уйда даволаниш шартлари маълум қилинди
Беморлар чой ва қаҳва ўрнига кунига 3-5 литргача илиқ ҳолдаги суюқлик ичиши керак, бунда совуқ ва газли, ширин ичимликлар қатъий ман қилинади. Суюқликлар, асосан, газсиз минерал сув, илиқ лимонли, занжабилли, қоқили чой, шарбат, турли доривор ўсимликлар дамламаси бўлиши мумкин.
Суюқликнинг кўп миқдорда берилиши вируснинг таъсиридаги заҳарланиш- интоксикацияни камайтириш билан бирга, қоннинг қуйилиб қолишига йўл бермайди. Суюқ қон орқали шифобахш ўтлар ва озиқ-овқат орқали олинган витамин ва минераллар ҳар бир органга тўлиқ етиб боради.
Мавзуга доир: Ўзбекистонда вирусга қарши дори воситаларини ўзбошимчалик билан қабул қилмаслик тавсия этилди
Изоҳ (0)