Ўзбекистонга 200 минг қадоқ Японияда ишлаб чиқарилган «Авиган» («Фавипиравир») дори воситаси келтирилди. Бу ҳақда Соғлиқни сақлаш вазири Алишер Шодмоновга таяниб «Kun.uz» хабар берди.
Шодмоновнинг таъкидлашича, ҳар битта тез ёрдам станциясида қўшимча тез ёрдам бригадалари, поликлиникаларда мобил гуруҳлар ташкил этилади ҳамда уйида даволанаётган беморларга сифатли ёрдам кўрсатиш тизими йўлга қўйилади.
Шифохонада ва уйида даволанаётган барча беморлар учун олий таълим муассасалари ва республика марказларидаги етакчи олим ва мутахассисларни бириктириш вазифаси қўйилди.Эслатиб ўтамиз, 15 июль куни Президент Шавкат Мирзиёев иштирокида видеоселектор бўлиб ўтди. Селектор давомида коронавирус тарқалишининг олдини олиш ва даволаш бўйича Тошкент шаҳридаги ишларни талаб даражасида ташкил этмагани, эпидемиологик вазиятнинг салбий ўзгаришларига тайёр бўлишни таъминламагани, бу касаллик билан «пастга тушиб» мукаммал шуғулланмагани учун Тошкент шаҳри ҳокими Жаҳонгир Ортиқхўжаев ва соғлиқни сақлаш вазири Алишер Шодмоновга ҳайфсан эълон қилинди.Бундан ташқари, аҳоли орасида саросимани камайтириш нуқтаи назаридан Call-марказлар сони ҳамда уларда ишлайдиган ходимлар сонини кўпайтириш бўйича топшириқлар берилди.
Куни кеча мамлакатга 200 минг қадоқ Японияда ишлаб чиқарилган, энг самарали дорилардан бири бўлган «Авиган» дориси келтирилди. Шифохоналардаги беморларимиз учун етарли миқдорда дорилар мавжуд.
Бундан ташқари, Президент томонидан ҳар бир вилоят, ҳар бир туманда дори-дармон захираларини яратиш топшириғи берилди.
Алишер Шодмонов, Соғлиқни сақлаш вазири
Мавзуга доир:
Изоҳ (0)