Сурхондарё вилоятида ФВБ қутқарув отряди лифт ичида қамалиб қолган қизчани қутқариб қолди. Бу ҳақда Фавқулодда вазиятлар вазирлиги ахборот хизмати хабар қилган.
Хабарга кўра, вазирликнинг 1050 қисқа рақамига Термиз шаҳри Фаровон массиви яшовчи фуқаролардан мурожаат келиб тушган. Унда 18-уйда лифти ишламай, ичида одам қулфланиб қолгани маълум қилинган.
Сурхондарё вилояти ФВБ қутқарув отряди гуруҳи зудлик билан воқеа жойига етиб борган ва лифт ичидаги 6 ёшли қизчага ёрдам кўрсатган.
Қутқарувчилар лифт эшигини очиб қизалоқни қутқариб олган ҳамда уйда яшовчи фуқароларга техника хавфсизлиги бўйича амалий тавсиялар берган.
2019 йил 9 декабрда Самарқандда лифтда қамалиб қолган қария қутқарилгани, 2020 йил май ойида эса Тошкент шаҳрида Юнусободдаги кўп қаватли уйлардан бирида қон босими кўтарилиб уйи эшигини очолмай қолган кекса аёлнинг ҳаёти сақлаб қолингани хабар қилинган.
Изоҳ (0)