Самарқанд вилоятида гиёҳванд воситаси савдоси билан шуғулланган шахс қўлга олинган, сўнгра унда коронавирус касаллиги борлиги аниқланган, дея хабар беради ИИВ ҳузуридаги Тергов департаменти.
Қайд этилишича, 2020 йилнинг 10 июль куни соат 12:30 да ИИБ ходимлари томонидан Самарқанд шаҳрида ўтказилган тезкор тадбирда 38 ёшли У.Д. 0,59 грамм гашиш гиёҳвандлик воситасини 500 000 сўмга қонунга хилоф равишда сотган вақтида ушланган. Тадбирда ишлатилган 250 000 сўм пуллар холислар иштирокида ашёвий далил тариқасида ҳужжатлаштириб олинган.
Ҳолат юзасидан Самарқанд шаҳри бўйича ИИО ФМБ ҳузуридаги Тергов бўлими томонидан Жиноят кодексининг 273-моддаси 5-қисми (Кўп миқдорда гиёҳвандлик воситасини ўтказиш) билан жиноят иши қўзғатилган.
Жиноят иши бўйича У.Д.га тегишли модда билан айб эълон қилиниб, қамоққа олиш тарзидаги эҳтиёт чораси қўлланилган.
Аммо дастлабки тергов жараёнида У.Д. COVID-19 касаллиги билан хасталанганлиги аниқланиб, зудлик билан унга нисбатан қўлланилган қамоққа олиш тарзидаги эҳтиёт чораси муносиб хулқ-атворда бўлиш ҳақидаги тилхат эҳтиёт чорасига алмаштирилган ва У.Д. карантинга олинган.
Мавзуга доир:
- Фарғонада гиёҳвандлик воситасини қонунга хилоф равишда сақлаган шахс 12 минг долларни ўғирлагани аниқланди
- Ўзбекистондаги наркодиспансерларда қанча одам ҳисобда тургани маълум қилинди
- Фарғонада Ўзбекистонга 5 кг гашиш олиб кирган ва уни сотмоқчи бўлган жиноий гуруҳ фаолиятига чек қўйилди
- Чегарада Қирғизистон томонидан Ўзбекистонга гиёҳванд моддалар улоқтириш ҳолатлари кузатилмоқда
Изоҳ (0)