Фавқулодда ҳолат даврида бўлгани каби бир миллион қозоғистонликнинг озиқ-овқат маҳсулотлари учун пул тўлаб берилади. Бу ҳақда мамлакат бош вазири Асқар Маминга таяниб, Tengrinews хабар берди.
Шунингдек, 2020 йилнинг учинчи чорагидаги мавжуд маълумотлар асосида 128 минг оилага манзилли ижтимоий ёрдам тайинлаш, бундан ташқари, 30 минг кишининг автоматик равишда карантин даврига тўғри келадиган ногиронлик муддатини уч ойга узайтириш тўғрисида кўрсатма берилди», — дейди Мамин.
Бош вазир ижтимоий-иқтисодий вазият ёмонлашганда бизнес ва аҳолини қўллаб-қувватлаш бўйича қўшимча чора-тадбирлар режасини ишлаб чиқишни ҳам топширган. Шу билан бирга, инфляцияни 8-8,5 фоизгача ушлаб туриш учун бюджет маблағларини самарали сарфлаш ва пул-кредит сиёсатини юритиш зарурлиги таъкидланган.
Аввалроқ Қозоғистонда карантин чекловлари июль ойининг охиригача узайтирилгани тўғрисида хабар берилганди.
Эслатиб ўтамиз, Қозоғистонда 13 июль — коронавирус инфекциясидан вафот этган фуқаролар хотираси учун мотам куни деб эълон қилинди. Шу муносабат билан коронавирус пандемияси қурбонига айланган фуқаролар хотирасига бутун мамлакат бўйлаб Нур-Султон вақти билан соат 12:00 да бир дақиқалик сукут сақланди.
Изоҳ (0)