Бирлашган Миллатлар Ташкилоти (БМТ) Бош котиби Антониу Гутерреш Арманистон ва Озарбайжонни зудлик билан ҳарбий ҳаракатларга чек қўйишга чақирди, деб хабар берди «РБК».
Гутерреш икки мамлакат чегараси бўйлаб отишмалар, жумладан, оғир қуроллар қўлланилиши ҳақидаги хабарлардан хавотирда эканини билдирди.
Бош котиб Европада хавфсизлик ва ҳамкорлик ташкилоти (ЕХҲТ) Минск гуруҳининг Тоғли Қорабоғ можаросини ҳал қилиш борасидаги ҳаракатларини тўлиқ қўллаб-қувватлашини билдирди.
Аввалроқ Европа Иттифоқи (ЕИ) илгари Озарбайжон ва Арманистон чегарасида қуролли тўқнашувни тўхтатишга чақирди. Европа Иттифоқи ЕХҲТ кузатувчилари ёрдамида мониторингни қайта бошлашни таклиф қилди. Россия Ташқи ишлар вазирлиги бундан кейин низони кучайишига йўл қўйилмаслигини маълум қилди ва вазиятни барқарорлаштиришда ёрдам беришга тайёрлигини билдирди.
Эслатиб ўтамиз, 12 июль куни Товуз вилоятида Арманистон ва Озарбайжон ўртасида қуролли тўқнашувлар юз берди. Озарбайжон Мудофаа вазирлигининг маълумотларига кўра, Арманистон Озарбайжон позицияларига артиллерия билан ўққа тутган. Ҳужум натижасида уч ҳарбий хизматчи ҳалок бўлди, яна беш киши жароҳат олди.
Ўз навбатида Арманистон томони бир гуруҳ Озарбайжон ҳарбийлари УАЗ русумли юк машинасида чегарани кесиб ўтишга уринганликларини ва кейин ўққа тутганликларини айтишган. Тўқнашув эртаси куни ҳам давом этди.
Изоҳ (0)