Ўзбекистонда 297 нафар бемор коронавирусдан тузалди. Бу янги рекорд

Ўзбекистонда коронавирус инфекциясидан соғайиш кўрсаткичи бўйича янги рекорд ўрнатилди. Бу ҳақда Соғлиқни сақлаш вазирлиги хабар қилди.

Хабарга кўра, Тошкент тиббиёт академиясининг кўп тармоқли клиникасида 29 нафар, Зангиота туманидаги юқумли касалликлар шифохонасида 38 нафар, Нуронийлар сиҳатгоҳида 41 нафар, Вирусология илмий текшириш институти клиникасида 18 нафар, Эпидемиология, микробиология ва юқумли касалликлар илмий текшириш институти клиникасида 5 нафар, 3-сонли туғруқ комплексида 4 нафар, Андижон вилоятида 111 нафар, Самарқанд вилоятида 7 нафар, Навоий вилоятида 19 нафар, Наманган вилоятида 15 нафар, Қашқадарё вилоятида 6 нафар, Фарғона вилоятида эса 4 нафар, кун давомида жами 297 нафар коронавирус инфекциясига чалинган бемор соғайган.

297 нафар бемор коронавирус инфекциясидан фориғ бўлгач, соғайиш кўрсаткичи бўйича янги рекорд ўрнатилган.

Аввалги рекорд 2020 йилнинг 8 июль куни қайд этилган ва шу куни 249 нафар бемор тузалган эди.

2020 йил 14 июль ҳолатига кўра, Ўзбекистонда COVID-19’дан соғайганлар сони 8327 нафарни ташкил этмоқда.

Эпидемия бошланганидан бери Ўзбекистонда 67 нафар бемор касаллик асоратлари оқибатида ҳаётдан кўз юмган.