Тошкент шаҳар Халқ таълими бошқармасининг маълум қилишича, 9-синф битирувчиларининг академик лицейларга саралаш имтиҳонлари номаълум муддатга қолдирилган.
«Махсус комиссия қарорига мувофиқ карантин талабларининг кучайтирилиши муносабати билан, академик лицейларда саралаш имтиҳонлари номаълум муддатларга қолдирилганини маълум қиламиз», – дейилади хабарда.
Маълумот учун, «Академик лицейларга умумий ўрта таълим мактаблари ўқувчиларини танлаб олиш, ўқишга қабул қилиш, уларнинг ўқишини кўчириш ва ўқишдан четлатиш тартиби тўғрисида»ги низомга асосан, академик лицейларда саралаш имтиҳонлари ҳар йили 10 июлдан 25 июлга қадар ўтказилиши белгиланган. Аммо Махсус комиссия қарорига мувофиқ карантин талабларининг кучайтирилиши муносабати билан академик лицейларда саралаш имтиҳонлари номаълум муддатларга қолдирилган.
Аввалроқ Ўзбекистон ОТМларига кириш учун ижодий имтиҳонлар 1 августдан бошланиши маълум қилинган эди.
Маълумот учун, 2020/2021-ўқув йили учун абитуриентларнинг ҳужжатлари ДТМ сайти ва Ягона интерактив давлат хизматлари портали орқали қабул қилинмоқда. Тест синовлари карантин қоидаларига қатъий риоя этилган ҳолда ўтказилади, ҳужжатлар 20 июндан 20 июлгача (20 июль куни ҳам) қабул қилинади.
Изоҳ (0)