Toshkent shahar Xalq ta’limi boshqarmasining ma’lum qilishicha, 9-sinf bitiruvchilarining akademik litseylarga saralash imtihonlari noma’lum muddatga qoldirilgan.
“Maxsus komissiya qaroriga muvofiq karantin talablarining kuchaytirilishi munosabati bilan, akademik litseylarda saralash imtihonlari noma’lum muddatlarga qoldirilganini ma’lum qilamiz”, – deyiladi xabarda.
Ma’lumot uchun, “Akademik litseylarga umumiy o‘rta ta’lim maktablari o‘quvchilarini tanlab olish, o‘qishga qabul qilish, ularning o‘qishini ko‘chirish va o‘qishdan chetlatish tartibi to‘g‘risida”gi nizomga asosan, akademik litseylarda saralash imtihonlari har yili 10-iyuldan 25-iyulga qadar o‘tkazilishi belgilangan. Ammo Maxsus komissiya qaroriga muvofiq karantin talablarining kuchaytirilishi munosabati bilan akademik litseylarda saralash imtihonlari noma’lum muddatlarga qoldirilgan.
Avvalroq O‘zbekiston OTMlariga kirish uchun ijodiy imtihonlar 1-avgustdan boshlanishi ma’lum qilingan edi.
Ma’lumot uchun, 2020/2021-o‘quv yili uchun abituriyentlarning hujjatlari DTM sayti va Yagona interaktiv davlat xizmatlari portali orqali qabul qilinmoqda. Test sinovlari karantin qoidalariga qat’iy rioya etilgan holda o‘tkaziladi, hujjatlar 20-iyundan 20-iyulgacha (20-iyul kuni ham) qabul qilinadi.
Izoh (0)